कामगारांनी सुरक्षेला प्राधान्य द्यावे-रमेश घोडेराव

कामगारांनी सुरक्षेला प्राधान्य द्यावे-रमेश घोडेराव

Workers should give priority to safety – Ramesh Ghoderao

Rajendara Salkar, वृत्तवेध ऑनलाईन! Published on Thu 9 March23 ,16.50 Pm By राजेंद्र सालकर

कोपरगाव : संजीवनी उद्योग समुहाचे अध्यक्ष बिपीनदादा कोल्हे व सहकारमहर्षी शंकरराव कोल्हे सहकारी साखर कारखान्याचे अध्यक्ष विवेक कोल्हे यांनी कामगार सुरक्षेला सर्वोच्च प्राधान्य देवुन जिल्हयात सर्वप्रथम येथील कामगारांना मोफत हेल्मेट वाटप केले त्याचा सर्वांनी वापर करावा त्याचबरोबरच कारखाना व्यवस्थापनात काम करतांना कामगारांनी सुरक्षेला प्राधान्य द्यावे असे प्रतिपादन उपाध्यक्ष रमेश घोडेराव यांनी गुरुवारी कारखाना कार्यस्थळावरील ५२ व्या राष्ट्रीय सुरक्षा सप्ताहात बोलताना केले केले. 

             प्रारंभी कार्यकारी संचालक बाजीराव जी. सुतार प्रास्तविक करतांना म्हणाले की, माजीमंत्री स्व. शंकरराव कोल्हे यांनी राज्यात सर्वप्रथम येथे विविध रासायनिक उपपदार्थ निर्मीतीबरोबरच कामगारांच्या सुरक्षेसाठी दर्जेदार सुरक्षा उपकरणे उपलब्ध करून दिली. आपल्यासह परिसरातील नागरिकांची तसेच कुटूंबातील व्यक्तींची सुरक्षा अबाधित रहावी यासाठी अध्यक्ष बिपीनदादा कोल्हे, व अध्यक्ष विवेक कोल्हे यांचे सततचे प्रयत्नांतुन व्यवस्थापनात सुरक्षितता सप्ताह आयोजित करून त्यातुन प्रबोधन केले जाते. दैनंदिन जीवनांत मनुष्याच्या किरकोळ चुकीने मोठी दुर्घटना घडु शकते, त्यासाठी सतर्कता महत्वाची आहे. तसेच आपण स्वतः, कुटूंब, गांव, तालुका, राज्य व देशपातळीवर सुरक्षीततेचे महत्व हे सर्वोच्य असले पाहिजे असेही त्यांनी नमुद केले.