पश्चिमेकडील पाणी पूर्वेकडे वळविण्यास आचारसंहितेच्या अगोदर  मान्यता देणार- ना. अजित पवार.                      

  To divert the water from the west to the east will be approved before the code of conduct-No. Ajit Pawar.

Rajendara C. Salkar, News Portal, वृत्तवेध ऑनलाईन! Wed21 Aug 15.00 Am.By सालकर राजेंद्र

महत्वाचे मुद्दे

आ. आशुतोष काळेला मेरिटने निवडून द्या,- अजित पवार

काळे परिवाराच्या तीन पिढ्याबरोबर मला काम करता आले मी नशिबान- अजित पवार

दहा वर्ष शिवसैनिकांनी मला दिलेली साथ विसरू शकत नाही- अशोक काळे

अजितदादांनी आशुतोषचे पालकत्व स्वीकारल्याने मी निर्धास्त- अशोक काळे

स्वतः थांबून मला संधी देणाऱ्या माझ्या वडिलांचा मला अभिमान – आशुतोष काळे

कोपरगाव : अहमदनगर, नाशिक जिल्ह्यासह मराठवाड्यास भासणाऱ्या पाणीटंचाईच्या प्रश्नावर कायमस्वरूपी उपाययोजना करण्यासाठी उत्तर महाराष्ट्रातील पश्चिम वाहिनी नद्यांचे समुद्राला वाहून वाया जाणारे अतिरिक्त पाणी पूर्वेकडे उर्ध्व गोदावरी खोऱ्यात वळविण्याच्या प्रकल्पास राज्य सरकारने गती द्यावी, अशी मागणी आ. आशुतोष काळे यांनी केली आहे मुख्यमंत्री एकनाथ शिंदे यांनी यासाठी आशीर्वाद दिले असून देवेंद्र फडवणीस आणि मी आम्ही तिघेहीजण येत्या आचारसंहिता लागण्याच्या आधी या योजनेला मान्यता देणार अशी ग्वाही देताना उपमुख्यमंत्री अजित पवार यांनी याला कुणाचा विरोध असण्याचे कारण नाही असा टोलाही त्यांनी कोपरगाव येथील एका कार्यक्रमात लगावला. 

विदर्भातील वैनगंगा साठी ८५ हजार कोटी रुपये केंद्र सरकारने निधी दिला आहे त्याच प्रमाणे वाढवण बंदरासाठी सुद्धा केंद्र सरकारने निधी दिलेला आहे याच धर्तीवर पश्चिमेचे पाणी पूर्वेला गोदावरी खोऱ्यात वळविण्यासाठी एक लाख हजार कोटी लागणार आहेत त्यासाठी केंद्राकडे आम्ही पाठपुरावा करू कारण पाणी कमी झाल्याचा प्रसंग पुढच्या पिढीवर येऊ नये यासाठी आम्हाला काम करायचे आहे असेही ते म्हणाले

 कोपरगाव विधानसभा मतदारसंघातील ३०० कोटी विकास कामांच्या भूमिपूजन व माजी आमदार अशोक काळे यांच्या ७१ व्या अभिष्टचिंतन सोहळ्यासाठी ते कोपरगाव येथे आले होते यावेळी त्यांनी रिमोट कंट्रोलच्या सहाय्याने ३०० कोटी कामांच्या विकास कामांचे उद्घाटन केले त्याचबरोबर माजी आमदार अशोक काळे यांचा सत्कार करून त्यांना वाढदिवसाच्या शुभेच्छा दिल्या या कार्यक्रमात ते बोलत होते.