कोपरगावात मालवण राजकोट घटनेच्या निषेधार्थ महाविकास आघाडी रस्त्यावर झावरे यांचा खळबळजनक आरोप

कोपरगावात मालवण राजकोट घटनेच्या निषेधार्थ महाविकास आघाडी रस्त्यावर झावरे यांचा खळबळजनक आरोप

In protest of Malvan Rajkot incident in Kopargaon, sensational accusation by Zaware on the road of Mahavikas Aghadiमागण्यांचे नायब  तहसीलदारांना निवेदनStatement of demands to Naib Tehsildar

Rajendara C. Salkar,News Portal, वृत्तवेध ऑनलाईन! Wed,28 Aug 15.10 Am.By सालकर राजेंद्र

कोपरगाव: छत्रपती शिवाजी महाराजांचा मालवण येथील राजकोट किल्ल्यामधील पुतळा कोसळल्यानंतर विरोधक महाविकास आघाडी  सरकारविरोधात चांगलेच आक्रमक झाले आहेत. मविआ’ च्या वतीने कोपरगावमध्ये  छत्रपती शिवाजी महाराज स्मारक येथे दुपारी एक वाजता ठिय्या आंदोलन केलं, यानंतर येथील नायब तहसीलदार यांना मागण्यांचे निवेदन देण्यात आले या आंदोलनाला महाविकास आघाडीचे सर्व पदाधिकारी उपस्थित होते.

पंतप्रधान नरेंद्र मोदींच्या हस्ते पुतळा उभारून लोकसभा निवडणुकीआधी इव्हेंट करण्यासाठी आणि मतं मिळवण्यासाठी महाराष्ट्राच्या अस्मितेसोबत भाजपने खेळ केला आहे, ठाण्याच्या मुख्यमंत्र्यांनी ठाण्याच्या ठेकेदाराला २३६ कोटी रुपयांचा ठेका दिला. एका पुतळ्यासाठी एवढी रक्कम म्हणजे छत्रपती शिवाजी महाराजांच्या पुतळा उभारणीत भ्रष्टाचार झाला  असल्याचा खळबळजनक असा आरोप ठाकरे शिवसेनेचे जिल्हा सहसंपर्कप्रमुख राजेंद्र झावरे यांनी केला.  छत्रपती शिवरायांचे नाव घेऊन राज्य करणाऱ्या एकनाथ शिंदे व  देवेंद्र फडणवीस यांनी राजीनामा द्यावा ते राजीनामा देत नसतील तर राज्यपालांनी सरकार बरखास्त करावे अशी मागणी त्यांनी केली