गणपती बाप्पा मोरया….., पुढच्या वर्षी लवकर या…! दहा दिवसाच्या गणरायाला निरोप

  आ. आशुतोष काळे व युवा नेते विवेक कोल्हे यांनी प्रत्येक मंडळाचे गणरायाचे पुष्पहार घालून दर्शन घेतले व स्वागत केले.

यावेळी त्यांनी सर्व भक्तांनी आपला उत्साह जपतांना मिरवणूक कायदा व सुव्यस्थेचे काटेकोरपणे पालन करून शांततेत गणेश विसर्जन पार पाडावे असे आवाहन आ.आशुतोष काळे यांनी केले होते. कोपरगाव येथील अनेक मंडळांनी आज उत्तम मिरवणुका काढून महाराष्ट्रात  जिथे जिथे उत्तम मिरवणूक होतात त्यात कोपरगाव चे नाव सामील करून उंचावले असल्याचे मत विवेक कोल्हे यांनी व्यक्त केले.

 नियोजनबद्ध विसर्जन मिरवणूक पार पडल्यामुळे शहरातील नागरिक व सर्वपक्षीय राजकीय नेते कार्यकर्ते यांनी समाधान व्यक्त केले यावर्षी सोमवारी व मंगळवारी अशा दोन दिवसात मोठ्या प्रमाणात गणेश विसर्जन मिरवणुका उत्साहात पार पडल्या यावेळी अनेक मंडळात महिला व मुलींचा लक्षणीय सहभाग होता यावर्षी जवळपास छोटे-मोठे मिळून २०० विविध गणेश मंडळांनी  विसर्जन मिरवणुकी सहभाग नोंदवला होता. विविध कोलागुणांनी व देखाव्यांनी शहरातील नागरिकांची मने जिंकली लाडक्या बाप्पाला निरोप देण्यासाठी शहरातील  अबालवृद्ध, महिला, भगिनी गणरायाला निरोप देण्यासाठी रस्त्याच्या दुतर्फा मोठी गर्दी केली होती. पोलीस प्रशासनाच्या वतीने चौक बंदोबस्त तयार करण्यात आला होता मिरवणुका शांततेत पार पडल्या शिर्डी उपविभागीय अधिकारी शिरीष वमने मुख्याधिकारी सुहास जगताप तहसीलदार महेश सावंत शहर पोलीस निरीक्षक भगवान मथुरे माजी नगराध्यक्ष नगरसेवक मंडळाचे स्वागत करीत होते विसर्जन मिरवणुकी त विविध राजकीय पक्षांनी सर्व गणेश  मंडळाचे स्वागत केले.

चौकट

गोदावरी नदीपात्रात ८०० क्यूसेक्स पाणी होते त्यामुळे नदीपात्रात ठिकठिकाणी पाणी साठल्याचे दिसून आले जायकवाडी धरणात सुमारे २० टीएमसी पेक्षा जास्त पाणी वाहून गेले तर गणपती विसर्जनाला पाणी नव्हते अशी स्थिती या वेळेस पाहायला मिळाली त्यामुळे जिथे मोठमोठे खड्डे आहे तिथे गणपती विसर्जन करण्यात आले काही मंडळांनी थेट कुंभारी संवत्सर कोकमठाण आदि ठिकाणी जाऊन गणपती विसर्जन केले. नगरपालिकेने निर्माण्य संकलन करण्याची व्यवस्था  ठेवली होती