गुरु शुक्राचार्य देवस्थान अन्नछत्राचे विवेक कोल्हेंच्या हस्ते उद्घाटन –
Inauguration of Guru Shukracharya Devasthan Annachhatra by Vivek Kolhe –
Rajendara Salkar, वृत्तवेध ऑनलाईन! Published on Sun 10July, 18.40
By
राजेंद्र सालकर
कोपरगांव :महान तपस्वी ऋषी-मुनी, संत महंत यांच्या पदस्पर्शाने पावन झालेली कोपरगांवची भुमी ऐतिहासिक असून कोपरगांव बेट भागातील गुरु शुक्राचार्य देवस्थानच्या अन्नछत्राचे उद्घाटन आपल्या हस्ते झाले हा पंढरीच्या पांडुरंगाचा प्रसाद आषाढी एकादशीच्या निमित्ताने मिळाला असा योगायोग समजतो असे प्रतिपादन जिल्हा बँकेचे संचालक विवेक कोल्हे यांनी केले.
प्रारंभी शुक्राचार्य देवस्थानचे अध्यक्ष बाळासाहेब आव्हाड यांनी प्रास्तविक करून येथील धार्मिक कार्याची माहिती दिली. कोल्हे दाम्पत्याचा यावेळी शुक्राचार्य देवस्थानच्या वतीने सत्कार करण्यात आला.
विवेक कोल्हे पुढे म्हणाले की, गुरु शुक्राचार्य यांनी भगवान् शंकराकडून संजीवनी विद्या प्राप्त केली. कोपरगांव बेट भागासह तालुक्यातील असंख्य प्राचीन इतिहास स्थळांची ओळख आज जागतिक स्तरावर जाऊन पोहोचली आहे,. युवा पिढीने हा इतिहास असाच पुढे जोपासावा. या तीर्थक्षेत्राच्या विकासात जे जे आपल्याला करणे शक्य आहे, ते करण्याचा मनस्वी प्रयत्न करू. येथील पर्यटकीय महत्त्व ओळखून त्यातून रोजगाराला चालना देऊ. संजीवनी उद्योग समुहाचे संस्थापक माजीमंत्री स्व. शंकरराव कोल्हे यांनी उद्योगाची संजीवनी उभी करून त्याद्वारे हजारों जणांची रोजी रोटी चालू ठेवली आहे., असे ते शेवटी म्हणाले. कच देवयानी इतिहासाची त्यांनी यावेळी आठवण करून दिली.
सौ. रेणुका विवेक कोल्हे यांनी अन्नछत्रासाठी ११ हजार रुपयांची मदत केली. या उभयतांच्या हस्ते विठ्ठल रुक्मिणी मूर्तीस अभिषेक करण्यात आला.
याप्रसंगी सर्वश्री सचिन परदेशी,भागचंद रुईकर, आदिनाथ ढाकणे, विजय रोहम, विशाल राऊत, प्रसाद परहे, बाळासाहेब जंगले, किरण सुपेकर, रोहन दरपेल, कैलास आव्हाड, दत्तात्रय सावंत, बाळासाहेब क्षीरसागर, विलास आव्हाड, बाळासाहेब गाडे, विकास शर्मा,संदीप शर्मा, निलेश बोरुडे, सचिन सावंत, रमेश क्षीरसागर गुरव पुजारी, पंचक्रोशीतील भाविक मोठ्या संख्येने उपस्थित होते.
