श्री गुरु शुक्राचार्यांच्या नव्या सिंहासनाला चांदीचा मुलामा देणार  

कोपरगाव : शहरानजीक असलेल्या बेट भागातील सोमवार निमित्त औचित्य साधून परमसद्गुरु श्री गुरु शुक्राचार्य महाराज यांना मंदिर प्रशासनाच्या वतीने सिंहासन बनवले असून त्या सिंहासनाला येथील आयुर्वेद तज्ञ डॉ.  रामदास आव्हाड यांनी चांदीचा मुलामा देण्याचे कबूल केले आहे. दोन सिंहासने बनवण्यात येणार असून  एक सिंहासन  कायमस्वरूपी मंदिरात ठेवण्यात येईल याच सिंहासनाला चांदीचा मुलामा देण्यात येणार आहे व दुसरे सिंहासन भक्तांना अभिषेक करण्यासाठी मंडपात ठेवण्यात येणार आहे अशी माहिती मंदिर प्रशासनाकडून देण्यात आली आहे.