कोपरगाव शहरासाठी २.३१ कोटी निधी – आ.आशुतोष काळे
2.31 crore fund for Kopargaon city – MLA Ashutosh Kale
Rajendara Salkar | वृत्तवेध ऑनलाईन l Thu 2 Dec.2021 17.20Pm.
कोपरगाव : लोकशाहीर आण्णाभाऊ साठे नागरी वस्ती सुधार योजना २०२१-२२ करीता कोपरगाव शहराच्या विकासासाठी २ कोटी ३१ लाख ७४ हजार रुपये निधी मंजूर करण्यात आला असल्याची माहिती आ.आशुतोष काळे यांनी दिली आहे.
८ नोव्हेंबर रोजी जिल्ह्याचे पालकमंत्री तथा ग्रामविकासमंत्री ना. हसन मुश्रीफ यांच्या अध्यक्षतेखाली लोकशाहीर आण्णाभाऊ साठे नागरी वस्ती सुधार योजना २०२१-२२ करीता मंजूर निधीचे वितरण निश्चित करणेसाठी बैठक पार पडली होती. या बैठकीत कोपरगाव शहरासाठी जास्तीत जास्त निधी द्यावा अशी मागणी पालकमंत्र्यांकडे केली होती. त्या मागणीनुसार कोपरगाव शहराला २ कोटी ३१ लाख ७४ हजार रुपयांचा निधी दिला आहे. या निधीतून कोपरगाव शहराच्या विकासाला चालना मिळणार आहे. कोपरगाव नगरपरिषदेने याबाबत तातडीने पुढील कार्यवाही करावी अशा सूचना आ.आशुतोष काळे यांनी नगरपरिषदेच्या अधिकाऱ्यांना दिल्या. कोपरगाव शहराच्या सर्वांगीण विकासासाठी जास्तीत जास्त निधी मिळविण्यासाठी सर्वोतोपरी प्रयत्न करीत आहे. त्या प्रयत्नांना अपेक्षित यश मिळत असून मतदार संघाच्या विकासाला आजवर कोट्यावधी रुपयांचा निधी महाविकास आघाडी सरकारकडून आणला आहे. आमदार आशुतोष काळे यांनी ना. हसन मुश्रीफ यांचे आभार मानले आहे.
