आत्मा मालिक : इंग्लिश मिडीयम गुरुकुलचा १०० टक्के निकाल
आदिती देठे ९६ टक्के गुण पहिली
नाईंटी प्लस १३, विशेष प्रावीण्य १३२ प्रथम श्रेणी ५२
वृत्तवेध ऑनलाईन।1August2020,15 :25
By : Rajendra Salkar
कोपरगाव : आत्मा मालिक शैक्षणिक व क्रीडा संकुल , कोकमठाण च्या आत्मा मालिक इंग्लिश मिडीयम गुरुकुल ची शंभर टक्के निकालाची उज्ज्वल परंपरा याही वर्षी कायम राहिली. या गुरुकुलाची विद्यार्थिनी कु. आदिती देठे हिने ९६ टक्के गुण प्राप्त करत प्रथम क्रमांक मिळविला
तर कु. अक्षदा माळवे ९५.४० टक्के द्वितीय व चि. साईदीप राऊत ९३.४० टक्के तृतीय क्रमांकाने उत्तीर्ण झाले .दहावीच्या परीक्षेत गुरुकुल चे एकूण १९८ विद्यार्थी सहभागी होते. यात १३ विद्यार्थ्यांनी ९० टक्के पेक्षा अधिक , १३२ विद्यार्थ्यांनी विशेष प्रावीण्य , ५२ विद्यार्थ्यांनी प्रथम श्रेणी तर ०२ विद्यार्थ्यांनी द्वितीय श्रेणी प्राप्त करत यश संपादन केले.
गुरुकुल चे प्राचार्य माणिक जाधव सर यांनी शालेय नियोजनात अतिरिक्त तासिका , सराव परीक्षा , विविध शैक्षणिक कार्यशाळा , निमंत्रित विषय तज्ञांचे मार्गदर्शन , दैनंदिन नियोजन , भविष्याकडे सकारात्मक दृष्टीने बघण्याची वृत्ती व ध्यान – आध्यात्मिक संस्कार तसेच सर्व विद्यार्थी – शिक्षक कर्मचाऱ्यांचे परिश्रम यांची या यशात महत्वाची भूमिका असल्याचे स्पष्ट केले.
या विद्यार्थ्यांना उपप्राचार्य नितीन सोनवणे , मिनाक्षी काकडे पर्यवेक्षक दत्तात्रय जावळे , बाळासाहेब गाडेकर , दिनेश क्षीरसागर सर्व वर्ग व विषय शिक्षक यांचे मार्गदर्शन लाभले.
सर्व यशस्वी विद्यार्थ्यांचे प.पू. सद्गुरू आत्मा मालिक माऊली , सर्व संतगण , ध्यानपीठाचे अध्यक्ष श्री नंदकुमार सूर्यवंशी , उपाध्यक्ष भगवान दौंड , सरचिटणीस हनुमंतराव भोंगळे , कोषाध्यक्ष विठ्ठलराव होन , प्रभाकर जमधडे , माधवराव देशमुख ,प्रकाश भट , बाळासाहेब गोरडे , प्रकाश गिरमे , व्यवस्थापक हिरामण कोल्हे व पालकांनी अभिनंदन केले.
