एकरी १०१ मेट्रिक टन ऊस काढा एकाहत्तर हजार रुपयांचे बक्षीस मिळवा- आमदार आशुतोष काळे

एकरी १०१ मेट्रिक टन ऊस काढा एकाहत्तर हजार रुपयांचे बक्षीस मिळवा- आमदार आशुतोष काळे

Harvest 101 metric tons of sugarcane per acre and get a reward of seventy-one thousand rupees – MLA Ashutosh Kale

ऊस उत्पादन वाढीसाठी बक्षीस योजनेचा फंडा

उसाला अंतिम भाव ३१०० तर ठिबक साठी आणखी शंभर रुपयाचे अनुदान

कर्मवीर शंकरराव काळे कारखान्याची ७२ वी वार्षिक सर्वसाधारण सभा संपन्न

कोपरगाव:  वारंवार सभासदाकडून आपल्या पाहुण्यांचा देखील ऊस घ्या अशी मागणी असायची याचा विचार करून  कारखान्याचे आधुनिकरण करून क्षमता वाढविले आहे. मुळात ऊस हा आर्थिक उत्पन्न देणारा असताना अनेक जण कांदा आणि गहू पिकाकडे वळाले आहेत. यावर्षी चांगला पाऊस झाल्याने पाणी आहे. जास्त ऊस लागवड व्हावी यासाठी कारखान्याने बक्षीस योजना आणली असून एकरी १०१ मेट्रिक टन उत्पन्न उसाचे उत्पन्न काढा आणि ७१ हजार बक्षीस मिळवा असे आवाहन आमदार आशुतोष काळे यांनी सभेच्या अध्यक्षपदावरून बोलतांना उपस्थित शेतकरी व सभासदांना केले.तर उसाला अंतिम भाव ३१०० तर ठिबक साठी आणखी शंभर रुपयाचे अनुदान देणार असल्याची घोषणा त्यांनी यावेळी केली.

चौकट 

गाळप हंगाम २०२४-२५ च्या गळीतास आलेल्या ऊसाला पहिले पेमेंट रु.२८००/- प्र.मे.टन याप्रमाणे अदा केले असून शेतक-यांची आर्थिक गरज लक्षात घेऊन जून महिन्यात रु. १५०/- प्र.मे.टन प्रमाणे दुसरा हप्ता दिला आहे. तर आता दसऱ्याला दीडशे रुपये चा तिसरा अंतिम हप्ता देणार ठिबक सिंचन करणाऱ्यांना प्रत्येक टनाला शंभर रुपये अनुदान देणार – आमदार आशुतोष काळे