अहिल्यानगर उत्तर भाजप निवडणूक प्रमुखपदी स्नेहलता कोल्हे — पक्षात जल्लोष, महिला कार्यकर्त्यांत उत्साहाची लाट

Snehlata Kolhe appointed as Ahilyanagar North BJP election chief — jubilation in the party, wave of enthusiasm among women workers

५० टक्के महिला आरक्षणाच्या पार्श्वभूमीवर अनुभवी नेत्या स्नेहलता कोल्हे यांची निवड — महिला बचतगट आणि कार्यकर्त्यांमध्ये आनंदाचे वातावरण

Rajendara C. Salkar, News Portal, वृत्तवेध ऑनलाईन Fir7Nov 10.00Am.By  सालकर राजेंद्र 

कोपरगाव : राज्यातील स्थानिक स्वराज्य संस्थांच्या निवडणुकांच्या तयारीला वेग आला असून, भाजपने सर्व जिल्ह्यांसाठी निवडणूक प्रमुखांची घोषणा केली आहे. अहिल्यानगर उत्तर मतदारसंघाची जबाबदारी स्नेहलता कोल्हे यांच्यावर सोपवण्यात आली आहे. त्यांच्या निवडीने केवळ भाजप कार्यकर्त्यांमध्येच नव्हे, तर महिला वर्गातही प्रचंड आनंदाचे वातावरण निर्माण झाले आहे.

राज्यातील सर्वच स्थानिक स्वराज्य संस्थांमध्ये महिलांना ५० टक्के आरक्षण देण्यात आले आहे. या पार्श्वभूमीवर महिला सक्षमीकरणाचा ठोस अनुभव असलेल्या स्नेहलता कोल्हे यांची निवड अत्यंत योग्य ठरल्याची भावना व्यक्त केली जात आहे. त्यांनी महिला बचतगट चळवळीमध्ये केलेले काम, संघटन कौशल्य आणि लोकसंपर्क यामुळे त्यांच्या नेतृत्वावर सर्वांचा विश्वास आहे.

कोल्हे यांच्या नियुक्तीनंतर भाजपच्या महिला मोर्चात विशेष उत्साहाचे वातावरण आहे. महिला बचतगट, स्वयंसेवी संघटना आणि कार्यकर्त्यांनी त्यांच्या निवडीचे स्वागत करत “महिलांना नेतृत्वाची खरी संधी” मिळाल्याचा आनंद व्यक्त केला.

भाजपच्या स्थानिक नेत्यांनीही सांगितले की, स्नेहलता कोल्हे यांच्या नेतृत्वाखाली महिला वर्गाचा सक्रिय सहभाग वाढेल आणि पक्षाची मुळे अधिक घट्ट रोवली जातील. त्यांच्या निवडीने अहिल्यानगर भाजपमध्ये नवचैतन्य आणि एकजुटीची भावना निर्माण झाली आहे.