सोमवारी कोपरगावात राष्ट्रवादीचा कार्यकर्ता मेळावा
NCP workers melava in Kopargaon on Monday
Rajendara Salkar | वृत्तवेध ऑनलाईन l Sat 4 Dec.2021 17.30Pm.
कोपरगाव: राष्ट्रवादी काँग्रेस पक्षाचे अध्यक्ष शरद पवार यांच्या ८१ व्या वाढदिवसानिमित्त विविध कार्यक्रमांचे आयोजन करण्यात येणार आहे. त्यानिमित्त सर्वसामान्य नागरिकांचे हित जोपासणारी राष्ट्रवादी काँग्रेस पक्षाची विचारधारा घराघरात पोहचविण्यासाठी श्री साईबाबा संस्थानचे अध्यक्ष आ.आशुतोष काळे यांच्या अध्यक्षतेखाली राष्ट्रवादी काँग्रेस पक्षाचा कार्यकर्ता मेळावा सोमवारी (दि.०६) रोजी दुपारी ३:०० वा. कृष्णाई मंगल कार्यालय, येथे आयोजित केलेला आहे. या मेळाव्यासाठी राष्ट्रवादी काँग्रेस पक्षाच्या कार्यकर्त्यांनी उपस्थित राहावे असे आवाहन राष्ट्रवादीचे तालुकाध्यक्ष माधवराव खिलारी यांनी दिलेल्या प्रसिद्धी पत्रकात केले आहे.
या कार्यकर्ता मेळाव्यात कार्यकर्त्यांना मार्गदर्शन करण्याकसाठी श्री साईबाबा संस्थानचे अध्यक्ष आ.आशुतोष काळे, राष्ट्रवादीचे वक्ता प्रशिक्षण विभागाचे प्रदेश उपाध्यक्ष प्रा.तुषार वाघमारे, जिल्हाध्यक्ष राजेंद्र फाळके, जिल्हाकार्याध्यक्ष संदीप वर्पे आदी मान्यवर उपस्थित राहणार आहेत. या कार्यकर्ता मेळावा शिबिराला मतदार संघातील राष्ट्रवादीच्या सर्व पदाधिकारी अधिकारी व कार्यकर्त्यांनी मोठ्या संख्येने उपस्थित राहावे असे तालुकाध्यक्ष माधवराव खिलारी यांनी शेवटी म्हटले आहे.
