अतिक्रमणधारकांना कोपरगाव  नगरपालिकेकडून २०  मेपर्यंत अल्टिमेटम

आपण उक्त परिच्छेदात नमूद केलेप्रमाणे सार्वजनिक वापराच्या जागेवरील अतिक्रमण काढून घेण्यासाठी सदर नोटीशीच्या दिनांकापासून तीन दिवसांची मुदत देण्यात येत आहे. सदर अतिक्रमण आपण मुदतीत काढले नाही तर आपणाविरुद्ध कायदेशीर कारवाई करणेत येईल तसेच सदरचे अतिक्रमण नगरपरिषदेमार्फत निर्मूलन करण्यात येईल. या कारवाई दरम्यान होणाऱ्या कोणत्याही स्वरूपाच्या नुकसानीची भरपाई करणेची जबाबदारी आपली राहील. असे त्यात नमूद केले आहे. त्याची प्रत पोलिस ठाण्याला पाठवण्यात आली आहे असे श्री चाकणे यांनी सांगितले.

शहरातील अतिक्रमणे २३ व २४ मार्च रोजी काढण्यात आली होती. त्यानंतर युवक नेते विवेक कोल्हे यांनी विस्थापित अतिक्रमण धारकांची भेट घेऊन त्यांना दिलासा दिला होता व मुख्याधिकारी दालनात जाऊन ही मोहीम थांबली होती, मात्र आता पुन्हा या मोहिमेने उचल खाल्ली असून अतिक्रमणधारकामध्ये आता पुन्हा घबराट पसरली आहे.       
  त्यात कोपरगाव  नगरपरिषद तर्फे कोपरगाव शहर बस डेपो समोरील व परिसरातील तसेच कोपरगाव शहरातील मुख्य रस्ता, पालखी रस्ता, धारणगांव रस्ता, साईबाबा कॉर्नर परिसर, काँग्रेस कमिटी समोरील रस्ता, बिरोबा मंदीर परिसर, लोकशाहीर आण्णाभाऊ साठे पुतळ्यामागील येवला रोड, खुले नाट्यगृह समोरील रस्ता व शहरातील इतर ठिकाणावरील अतिक्रमण काढल्याचा समावेश आहे.

अतिक्रमण काढतांना सदर जागेमधील टपरी, हातगाडी, साहित्य इ. काढण्यासाठी पुरेसा वेळ देण्यात आलेला होता. तसेच साहित्य अतिक्रमण धारकांना परत नेण्याची मुभा देण्यात आली होती. सदर ठिकाणचे अतिक्रमण काढतांना कोपरगाव नगरपरिषदेची सर्व यंत्रणा, जे.सी.बी., ट्रॅक्टर, रिक्षा, टेम्पो तसेच अधिकारी, कर्मचारी व सफाई कामगार मुकादम यांचे पोलीस निरीक्षक यांचेकडील पोलीस बंदोबस्त व यंत्रणा यांनी आपआपले कर्तव्य पार पाडले आहे. परंतु सद्यस्थितीत काही ठिकाणी काढण्यात आलेल्या अतिक्रमणीत जागेवर पुनश्चः अतिक्रमण होत असल्याचे दिसून येत आहे.

सदरची अतिक्रमणे ही वाहतुकीस अडथळा ठरणारी आहेत. त्यामुळे याद्वारे तमाम अतिक्रमण धारकांना सुचित करण्यात येते की, सदर जागेवर पुन्हा कुठल्याही स्वरुपाचे अतिक्रमण करण्यात येवू नये अन्यथा अतिक्रमण निर्मुलनाची कारवाई करतांना सदर अतिक्रमण धारकांचे साहित्य जप्त करून महाराष्ट्र नगरपरिषदा, नगरपंचायती व औद्योगिक नगरी अधिनियम १९६५ चे कलम १७९ अन्वये कारवाई करण्यात येईल. तसेच अतिक्रमण करणारी व्यक्ती कायदेशीर कारवाईस पात्र राहील व होणाऱ्या | नुकसानीस स्वतः जबाबदार राहील याची नोंद घ्यावी.

मुख्याधिकारी यांच्या नावाने शहरात विविध ठिकाणी फलक लावण्यात आले आहेत.