ठेकेदाराची अनामत जप्त केली; म्हणून आंदोलन थांबणार नाही  – ॲड. नितीन पोळ

ठेकेदाराची अनामत जप्त केली; म्हणून आंदोलन थांबणार नाही  – ॲड. नितीन पोळ

Contractor’s deposit forfeited; So the agitation will not stop – Adv. Nitin Pol

Rajendara Salkar, वृत्तवेध ऑनलाईन! Published on Thu19Jan23 , 15.30 Pm
By राजेंद्र सालकर

कोपरगाव : लोकशाहीर अण्णाभाऊ साठे  खुले नाट्यगृह दुरुस्तीच्या  काम  दीड वर्षात केले नाही या कारणास्तव ठेका रद्द करून   ठेकेदाराची अनामत जप्त केली म्हणून  आंदोलन थांबणार नाही जोपर्यंत आमच्या प्रश्नांची समाधानकारक उत्तरे मिळत नाही  तोपर्यंत आंदोलन होणारच असा ठाम  निर्धार  लोकस्वराज आंदोलनाचे संस्थापक अध्यक्ष ॲड.नितीन पोळ यांनी एका प्रसिद्धी पत्रकाद्वारे  जाहीर  केला आहे.

तुला ना मला, घाल कुत्र्याला’ या वाक्याचा शब्दशः प्रत्यय कोपरगावच्या लोकशाहीर आण्णाभाऊ साठे खुलेनाट्यगृहाकडे  पाहिल्यावर आता नक्कीच येणार आहे…

काम परवडत नव्हते तर ठेका का घेतला? शुभारंभाचे नारळ का फुटले ? ठेका परवडत  नव्हता यासाठी मग तब्बल दीड वर्ष वाट का पाहिली ? तरीही  मग पाडकाम का झाले?,  पालिकेच्या संपत्तीच्या झालेल्या नुकसान भरपाईला जबाबदार कोण?…

 केवळ ठेका रद्द केला, अनामत जप्त केली म्हणून  हात झटकून चालणार नाही.या दयनीय अवस्थेला मागील दिड वर्षांतील सर्वच जबाबदार आहेत व त्यांच्याकडूनच आता नुकसानीची वसुली गरजेची झाली आहे… असे प्रश्न आता नागरिक विचारू लागले आहेत