नाशिक पदवीधरसाठी कोपरगावात  ४०.४१ टक्के मतदान; शांततेत

नाशिक पदवीधरसाठी कोपरगावात  ४०.४१ टक्के मतदान; शांततेत

Rajendara Salkar, वृत्तवेध ऑनलाईन! Published on Mon30Jan23 , 20.00 Pm By राजेंद्र सालकर

कोपरगाव:  पहिल्या दिवसांपासून चर्चेत असलेल्या नाशिक पदवीधर निवडणुकीसाठी कोपरगावात ४०.४१  टक्के मतदान; शांततेत पार पडले.एकूण ८४६४ मतदारांपैकी केवळ ३४२०  मतदारांनी आपला मतदानाचा हक्क बजावला यात २५५४ पुरुष तर ८६६ महिलांचा समावेश असल्याची   माहिती निवडणूक  निवडणूक निर्णय अधिकारी तहसीलदार विजय बोरुडे यांनी दिली.

चौकट

नाशिक पदवीधर मतदारसंघाचे उमेदवार शुभांगी पाटील यांनी कोपरगाव शहरातील जुने सायन्स कॉलेज मतदान केंद्राला भेट दिली त्यावेळेस मतदान केंद्राबाहेर उभे असलेले विवेक कोल्हे यांना म्हणाल्या दादा बहीण म्हणून आम्हाला पाठिंबा द्या  असा संवाद केला असता विवेक कोल्हे यांनी त्यांना ताई आपल्याला थोडा उशीर झाला  मी आत्ताच मतदान करून आलो आहे. आता नाही तर शिक्षक मतदार संघ पुन्हा आहेच ? त्यावर त्या म्हणाल्या सांगा आता तरी जे पुढचे राहिले आहेत त्यावर  आमच्या सांगण्यातल्या सर्वांनी मतदान केले आहे तुमचे जे अपेक्षित आहे ते काही मला या ठिकाणी दिसत नाही  असे विवेक  कोल्हे  म्हणाले त्यावर तुम्ही शब्द तर टाकून पहा नाही ऐकले तर ठीकच आहे  असे प्रत्युत्तर उमेदवार शुभांगी पाटील यांनी दिले या शाब्दिक जुगलबंदीवर उपस्थितामध्ये मोठा हशा पिकला….