महिलांच्या चेहऱ्यावरील हास्य हीच माझी ऊर्जा आहे- स्नेहलता कोल्हे 

करंजी  ‘होम मिनिस्टर-खेळ मानाच्या पैठणीचा’  महिलांचा प्रचंड प्रतिसाद

कोपरगाव : जीवनात कितीही अडचणी, संकटे आली तरी खचायचे नाही, घाबरायचे नाही, रडायचे नाही तर हिमतीने लढायचे आणि पुढे जायचे. माऊली, माता या शब्दात खूप मोठी ताकद आहे. स्त्री म्हणजे लक्ष्मी, सरस्वती, अन्नपूर्णा मातेचे रूप आहे. महिलांच्या चेहऱ्यावरील हास्य हीच माझी ऊर्जा असल्याचे माजी आमदार स्नेहलता कोल्हे यांनी करंजी येथील सन्मान नारी शक्तीचा होम मिनिस्टर खेळ मानाच्या  पैठणीचा  या कार्यक्रमात केले. 

या कार्यक्रमात गायक किरण वैराळ तर संगीताची साथ अनिल डोरगे, गोरख कोटमे, भरत जाधव, शुभम जाधव, अनिल गाडेकर, प्रमोद निकम, बाळासाहेब जाधव यांनी चित्रपट गीते, लोकगीते, भक्तिगीते, नृत्य, विनोद, गप्पा-गोष्टीबरोबरच उखाणे, तळ्यात मळ्यात, किसमे कितना है दम, दोरा ओढणे, अभिनय व इतर विविध मनोरंजक कार्यक्रम महिलांसाठी सादर करण्यात आले. निवेदक व सूत्रसंचालक संदीपकुमार जाधव यांनी केले. 

चौकट

कोपरगाव विधानसभा मतदारसंघाच्या सर्वांगीण विकासाचा ध्यास घेऊन मी काम करत आहे. तुमची साथ कायम माझ्या पाठीशी असू द्या, तुमच्या मदतीसाठी, तुमचे विकासाचे प्रश्न सोडविण्यासाठी मी सदैव तत्पर आहे, अशी ग्वाही माजी आमदार  स्नेहलता कोल्हे यांनी दिली.