उज्वल भविष्यासाठी मोबाईलचा अतिवापर टाळा; अभ्यास करा- सायली सोळंके

उज्वल भविष्यासाठी मोबाईलचा अतिवापर टाळा; अभ्यास करा- सायली सोळंके

Avoid excessive use of mobile phones and study for a bright future – Sayali Solanke

वकृत्व स्पर्धा पारितोषिक वितरण

Rajendara C. Salkar, News Portal, वृत्तवेध ऑनलाईन! ,Sun 31 Jan 25  16.50 Pm.By  सालकर राजेंद्र

कोपरगाव: सोशल मीडिया आणि मोबाईलच्या अतिवापरामुळे आपण विचार क्षमता  हरवून बसलो आहे. उज्वल भविष्यासाठी मोबाईलचा अति वापर टाळून अभ्यास करणे गरजेचे असल्याचे प्रतिपादन उपजिल्हाधिकारी सायली सोळंके यांनी केले.अध्यक्षस्थानी चैताली काळे होत्या.                                   

रयतच्या काळे कन्या विद्यामंदिर व कनिष्ठ महाविद्यालयात आयोजित कै.सौ. सुशिलामाई  काळे स्मृती वक्तृत्व स्पर्धा वार्षिक पारितोषिक वितरण समारंभात त्या बोलत होत्या.

सायली सोळंके पुढे म्हणाल्या की,  पुस्तके आपल्याला खूप गोष्टी शिकवतात त्यामुळे यशस्वी होण्यासाठी पुस्तक वाचन केलेच पाहिजे पुस्तक हाच विद्यार्थ्याचा गुरु व्हायला हवा,  प्रत्येकाने आपल्याकडे असलेले वेगवेगळे गुण ओळखून जीवनाला आकार दिला पाहिजे सरावातून मनातील भीती निघून जाते आज केलेला अभ्यास भविष्यात उपयोगी पडेल. विद्यार्थ्यांनी नेहमीच मोठी स्वप्ने बघावीत आणि ती साकार करण्यासाठी जिवाचे रान करावे, असं सल्ला त्यांनी दिला.

यावेळी सौ.चैताली काळे म्हणाल्या, प्रत्येकाने आपली आवड जोपासली पाहिजे त्यासाठी वेळ दिला पाहिजे  विद्यार्थ्यानी सोशल मिडियाकडे आकर्षित न होता त्याचा वापर हा मर्यादित व आवश्यकते पुरताच वापर केला पाहिजे. आपल्याला आपल्या आई-वडिलांचे नाव मोठे करायचे असेल तर आपण कोण आहात याचे चिंतन करूनच खर्‍या अर्थाने आयुष्यात पुढे जाता येणे शक्य असल्याचे त्यांनी सांगितले.