Victory trumpet of the Kolhe group in Kopargaon! Parag Sandhan for the post of Mayor,
२१ उमेदवारांचा मेळा – नव्या चेहऱ्यांची लाट, विकासाचा निर्धार! नऊ जण प्रतीक्षेत
Rajendara C. Salkar, News Portal, वृत्तवेध ऑनलाईन Tue 11Nov 20.20 Pm. By सालकर राजेंद्र
कोपरगाव :कोपरगावच्या नगरराजकारणात आज कोल्हे गटाने अक्षरशः धुमाकूळ घातला! नगराध्यक्षपदासह २१ नगरसेवकांच्या उमेदवारांची घोषणा होताच शहरात निवडणुकीचा उत्साह शिगेला पोहोचला आहे. भाजप–आरपीआय–मित्रपक्ष लोकसेवा विकास आघाडीच्या वतीने कलश मंगल कार्यालयात पार पडलेल्या या मेळाव्यात कार्यकर्त्यांचा जल्लोष उसळला.
या सोहळ्याचे नेतृत्व संजीवनी उद्योग समूहाचे अध्यक्ष बिपीनदादा कोल्हे यांच्या मार्गदर्शनाखाली झाले. मंचावर मा. आ. स्नेहलताताई कोल्हे, युवा नेते विवेकभैय्या कोल्हे, आणि कोल्हे गटाचे पार्लमेंटरी बोर्ड यांची उपस्थिती होती.
नगराध्यक्षपदासाठी अधिकृत उमेदवार – पराग शिवाजीराव संधान!
कोल्हे गटाच्या विश्वासार्ह आणि विकासाभिमुख उमेदवार म्हणून पराग संधान यांच्या नावाची अधिकृत घोषणा होताच उपस्थितांनी टाळ्यांच्या गजरात स्वागत केले. “ही निवडणूक कोपरगावच्या प्रगतीसाठीचा संकल्प आहे,” असे संधान यांनी भावनिक शब्दांत सांगितले.
२१ उमेदवारांची घोषणा – नव्या चेहऱ्यांना मोठी संधी!
गटाने जाहीर केलेल्या २१ उमेदवारांमध्ये अनेक नवे, ऊर्जावान आणि जनतेशी घट्ट नातं ठेवणारे कार्यकर्ते आहेत. प्रत्येक प्रभागात विकासाचा नवा चेहरा उतरवून कोल्हे गटाने एक दिलखुलास आणि सर्वसमावेशक पॅनल सादर केले आहे.
स्नेहलता कोल्हे म्हणाल्या, “ज्यांनी स्वतःपेक्षा पक्षाला प्राधान्य दिलं, तेच आमची खरी ताकद आहेत. आमचा गट म्हणजे फक्त राजकारण नाही, तर विकासाचं वचन आहे.”
विवेक कोल्हे यांनी आत्मविश्वासाने सांगितले, “उर्वरित प्रभागांचे उमेदवार काही तासांत जाहीर होणार आहेत. ही निवडणूक जनता स्वतः लढवते आहे. भाजप–आरपीआय–मित्रपक्ष लोकसेवा आघाडीचा विजय निश्चित आहे!”
शहरात कोल्हे गटाचा आत्मविश्वास, कार्यकर्त्यांचा उत्साह आणि जनतेचा प्रचंड प्रतिसाद पाहता कोपरगावची निवडणूक एकतर्फी होण्याची चिन्हे स्पष्टपणे दिसू लागली आहेत.
कोल्हे गटाचे घोषित उमेदवार :
नगराध्यक्षपद – पराग शिवाजीराव संधान
प्रभागनिहाय उमेदवार
खालीलप्रमाणे प्रभागनिहाय उमेदवारांची व्यवस्थित मांडणी केली आहे. ज्या प्रभागांमध्ये उमेदवारांची नावे उपलब्ध नाहीत, त्यांचा उल्लेख “रिक्त जागा” असा केला आहे.
उमेदवारांची यादी (प्रभागनिहाय)
प्रभाग क्र. १
दीपा वैभव गिरमे
वैभव सुधाकर आढाव
प्रभाग क्र. २
राहुल उत्तमराव खरात
स्वाती दीपक जपे
प्रभाग क्र. ३
जनार्दन सुधाकर कदम
(रिक्त जागा)
प्रभाग क्र. ४
दीपाली संजय उदावंत
(रिक्त जागा)
प्रभाग क्र. ५
वैशाली विजयराव वाजे
(रिक्त जागा)
प्रभाग क्र. ६
पद्मावती योगेश बागुल
विक्रमादित्य संजय सातभाई
प्रभाग क्र. ७
प्रसाद बाळासाहेब आढाव
सोनल अमोल अजमेरे
प्रभाग क्र. ८
मनिषा दत्तात्रय पगारे
फरदीन अल्ताफ कुरेशी
प्रभाग क्र. ९
जितेंद्र चंद्रकांत रणशूर
विजया संदीप देवकर
प्रभाग क्र. १०
रवींद्र दत्तात्रय कथले
वृषाली गणेश आढाव
प्रभाग क्र. ११
(रिक्त जागा)
(रिक्त जागा)
प्रभाग क्र. १२
(रिक्त जागा)
(रिक्त जागा)
प्रभाग क्र. १३
स्वप्नील दिलीप मंजुळ
निलोफर फिरोज पठाण
प्रभाग क्र. १४
(रिक्त जागा)
(रिक्त जागा)
प्रभाग क्र. १५
सुरेखा विनोद राक्षे
अनिल विनायक आव्हाड
कोपरगावच्या राजकारणात कोल्हे गटाने पुन्हा एकदा वर्चस्व गाजवण्याची रंगतदार तयारी दाखवली आहे. जनतेचा विश्वास, कार्यकर्त्यांची एकजूट आणि नेतृत्वाचा आत्मविश्वास – या तिन्हींच्या जोरावर “विकासाचं कोपरगाव, कोल्हेंच्या नेतृत्वाखालील आघाडीचं भवितव्य” हे समीकरण पक्कं झालं आहे!
चौकट प्रभाग क्रमांक तीन ब, प्रभाग क्रमांक चार ब, प्रभाग क्रमांक पाच ब, प्रभाग ११, दोन्ही जागा प्रभाग१२, दोन्ही जागा प्रभाग१४, दोन्ही जागा रिक्त ठेवण्यात आला आहे या ठिकाणी तिढा पेच निर्माण झालेल्याया ९ जागा रिक्त ठेवण्यात आलेल्या आहेत परंतु हा पेज लवकरच सुटेल अशी ग्वाही विवेक कोल्हे यांनी दिली
