गुढीपाडव्याच्या सुरेल पहाटेने कोपरगाव दुमदुमले!

कार्यक्रमात प्राध्यापक घैसास सर यांनी साई गीत सादर केले सौ. सुधाभाभी ठोळे यांनी गोवंश संवर्धन व गोहत्या या विषयावर भावस्पर्शी गीत सादर करत सामाजिक जाणीवा जागृत केल्या. बालकलाकारांनी ‘खंडोबाच्या लग्नात बानु नवरी नटली’ व ‘आमुचा एक महाराष्ट्र देश हा’ या गीतांनी रसिकांची मनं जिंकली, तर ज्येष्ठ महिलांनी ‘चांदणं चांदणं झाली रात’ सादर करत वातावरण भारावून टाकले. झी मराठी स्टार गौरी पगारे हिनेही आपल्या सुरेल आवाजाने कार्यक्रमाला चार चाँद लावले.

यावेळी विवेक कोल्हे व सौ. रेणुका कोल्हे यांच्या हस्ते पारंपरिक गुढी उभारून पूजा करण्यात आली. कार्यक्रमात ज्येष्ठांचा सत्कार करून त्यांच्या योगदानाचा गौरव करण्यात आला. अध्यक्ष नागरिक म्हणजे अध्यक्ष विजय बंब, नगराध्यक्ष पराग संधान, महाराष्ट्र राज्य संस्था फेडरेशनचे अध्यक्ष काका कोयटे, सौ. सुहासिनी कोयटे, उद्योजक कैलास शेठ ठोळे, सौ. सुधाभाभी ठोळे, प्रियदर्शनी इंदिरा महिला मंडळाच्या अध्यक्षा सौ. पुष्पाताई काळे यांच्यासह विविध स्तरातील नागरिक मोठ्या संख्येने उपस्थित होते.

कार्यक्रमानंतर महिलांनी फेटे बांधून काढलेल्या दुचाकी रॅलीने शहराचे लक्ष वेधले. त्यानंतर गांधी चौक येथे ज्येष्ठ नागरिक मंचच्या वतीने पाणपोईचे उद्घाटन करण्यात आले. सांस्कृतिक परंपरा, सामाजिक भान आणि एकोप्याचा सुंदर संदेश देणारा हा उपक्रम कोपरगावकरांसाठी संस्मरणीय ठरला.

चौकट 

पहाट पाडव्याला स्मृतींचा भावस्पर्शी उजाळा! स्व. भागचंद भाऊ ठोळे यांना अभिवादन;