कोपरगाव येथे कु-हाडीने झालेल्या मारहाणीत बापलेक जखमी, पवार बंधू वर गुन्हा दाखल
कोपरगाव :
कोपरगाव शहरातील इंदिरा नगर भागात रविवारी सायंकाळी साडेपाच सहा वाजण्याच्या दरम्यान लहान मुलांच्या भांडणातून कु-हाडीने झालेल्या मारहाणीत दोन जण गंभीर जखमी झाले आहे.
यासंदर्भात कोपरगाव शहर पोलिसात गुन्हा दाखल झाला असून गणपत अशोक दळे व अजय गणपत दळे असे जखमीचे नाव आहे.
ऋषिकेश गणपत पवार व अभिषेक गणपत पवार अशी आरोपींची नावे आहेत.
या संदर्भात पोलिसांकडून मिळालेली माहिती अशी, लहान मुलांच्या झालेल्या भांडणावरून ऋषिकेश पवार अभिषेक पवार या दोन भावांनी गणपत दळे व अजय दळे या बापलेकाला कुऱ्हाडीने मारहाण करून जखमी केले, घराचा दरवाजा तोडला, विजेचे मीटरची तोडफोड करून फिर्यादीचे नुकसान केले . याप्रकरणी गणपत दळे यांनी कोपरगाव शहर पोलिसात दिलेल्या फिर्यादीवरून आरोपी पवार बंधू विरोधात गुन्हा दाखल करण्यात आला आहे. शहर पोलीस निरीक्षक राकेश माणगावकर यांच्या मार्गदर्शनाखाली पो. हे.कॉ. १९८६ एस. एच. गायमुखे हे पुढील तपास करीत आहेत.
