समता ही सभासद हित जोपासणारी महाराष्ट्रातील अग्रगण्य पतसंस्था- सौ सुनंदा पवार

समता ही सभासद हित जोपासणारी महाराष्ट्रातील अग्रगण्य पतसंस्था- सौ सुनंदा पवार

Samata is one of the leading credit unions in Maharashtra for the benefit of its members – Mrs. Sunanda Pawar

जामखेड समता शाखा शुभारंभ Jamkhed Samata Branch Launched

Rajendara Salkar | वृत्तवेध ऑनलाईन Fir 25 Fab2022 16:00Pm.

कोपरगाव – सभासद हित ओळखून
आधुनिक तंत्रज्ञानाच्या माध्यमातून तत्पर सेवेतुन आर्थिक फायदा करून देणारी समता ही महाराष्ट्रातील अग्रगण्य पतसंस्था असल्याचे प्रतिपादन भीमथडी जत्रा संयोजिका सौ.सुनंदा राजेंद्र पवार यांनी बुधवारी (२३) रोजी जामखेड येथील समता शाखे शुभारंभ प्रसंगी केले. अध्यक्षस्थानी समता पतसंस्थेचे चेअरमन काका कोयटे हे होते.

सौ.पवार पुढे म्हणाल्या की, कोपरगाव महिला बचत गटाप्रमाणे काका कोयटे यांच्या मार्गदर्शनाखाली जामखेड मधील बचत गटाच्या महिलांनाही पुढे घेऊन जाण्याचा प्रयत्न करू असे आश्वासित केले.

प्रमुख पाहुण्यांचे स्वागत आणि परिचय संस्थेचे संचालक संदीप कोयटे यांनी करून दिला. सौ. सुनंदा पवार यांचा सत्कार समता महिला गटाच्या अध्यक्षा सौ.सुहासिनी ओमप्रकाश कोयटे यांनी केला.तर चेअरमन काका कोयटे यांनी यशवंत नागरी पतसंस्था चेअरमन राजेंद्र कोठारी,ज्योती क्रांती क्रेडीट सोसायटीचे चेअरमन आजिनाथ हजारे, यांचा सत्कार केला. जितुभाई शहा यांच्या हस्ते पिपल्स एज्युकेशन सोसायटी संचालक अशोक शिंगवी, संत गोरोबाकाका कुंभार पतसंस्थेचे चेअरमन विनायक राऊत,विवेकानंद नागरी सहकारी पतसंस्थेचे चेअरमन राजेंद्र राळेभात,जनरल मॅनेजर सचिन भट्टड यांच्या हस्ते एच.यु.गुगळे पतसंस्थेचे चेअरमन रमेश गुगळे, प्रतिष्ठीत व्यापारी महेश नगरे, मधुकर लोहकरे,सोनेतारण व्हॅल्यूअर श्रीकांत कुलथे,असि.जनरल मॅनेजर संजय पारखे यांच्या हस्ते जामखेड नागरी सहकारी पतसंस्थेचे चेअरमन अरुण चिंतामणी, दत्तात्रय वारे, सुरेश भोसले यांच्या हस्ते,माजी नगरसेवक दिगंबर चव्हाण तर कोपरगाव शाखेचे शाखाधिकारी आप्पा कोल्हे यांच्या हस्ते राजश्री शाहू नागरी सहकारी पतसंस्थेचे चेअरमन भानुदास बोराडे,खर्डा ग्रामपंचायतीचे माजी सरपंच शिवकुमार गुळवे आदी प्रमुख उपस्थित मान्यवरांचा सत्कार करण्यात आला.

 काका कोयटे म्हणाले कि, समता नागरी सहकारी पतसंस्थेने १२०० कोटी रुपयांच्या पुढे संमिश्र व्यवसाय केला आहे. १४ फेब्रुवारी २०२२ अखेर संस्थेच्या ठेवी ६४३ कोटी, कर्ज ४९७ कोटी ३१ लाख, सोनेतारण कर्ज १५५ कोटी आहे.अहमदनगर जिल्हा स्थैर्य निधी अंतर्गत समता लिक्विडिटी बेस्ड प्रोटेक्शन योजनेत समताच्या ९९.०२ ℅ठेवीदारांच्या ठेवी सुरक्षित आहे.गेल्या २ वर्षापासून जामखेडमध्ये आधी १० कोटी रुपयांचा कर्ज पुरवठा केला आणि एक पैशाची ठेव गोळा न करता आधी सोनेतारण कर्जपुरवठा केला आणि नंतर जामखेडकरांच्या आग्रहास्तव, त्यांना प्रामाणिकपणे सेवा देणे सुलभ व्हावे त्यामुळे समता पतसंस्थेच्या परिपूर्ण शाखेत रूपांतर करत आहोत तसेच जामखेडकरांनी आमच्यावर ठेवलेल्या विश्वासामुळे त्यांनी आमच्याशी केलेल्या व्यवहाराला सुरक्षितता प्रदान करण्याचे महत्वपूर्ण काम करणार आहोत.

यावेळी राजेंद्र कोठारी, अशोक सिंगवी, रमेश गुगळे यांनी मनोगतातून समता पतसंस्थेच्याच्या कामकाजाचे कौतुक करत जामखेड शहरात काकांच्या मार्गदर्शनाखाली पतसंस्था चळवळ मजबूत करूयात.असा विश्वास व्यक्त केला.

सुत्रसंचालन संस्थेचे संदीप कोयटे यांनी केले.
कार्यक्रम यशस्वीतेसाठी जामखेड शाखेचे शाखाधिकारी, कर्मचारी आदींनी विशेष परिश्रम घेतले.

उपस्थितांचे आभार जनरल मॅनेजर सचिन भट्टड यांनी मानले.